هذا جوابي
عذلت نفسي عن هواكم
واقنعتها بللي لهم قد
ضافين ما صاروا شراكم
يروون ولهم دونيه حد
وابعدت نفسي عن حماكم
و من النكاده ريت لي بد
واخلصت نفسي من عناكم
واليوم قلبي عنكم ابعد
في ربوة ما هو حذاكم
في شامخ أخضر و يسند
والشهد أضرب عقب ماكم
لي مدحن مكدر و مسود
هذا جوابي اليوم ياكم
و الباب عنكم غلج وانسد
دخان لي كدر سماكم
ما هوب غيم خيره إي بد
لي عاضني هب مستواكم
عالي مقامه عندي و قد
وأخلاق و اطباعه عداكم
جيون من الدانات يفند
شعر: الشيخ زايد بن سلطان-رحمه الله
